.jpg)
Каляды — гэта час, калі хочацца верыць у цуды.
Асабліва тым дзецям, чые мамы ці таты цяпер за кратамі.
«Калядная пошта» — гэта традыцыйная і любімая акцыя фонду «Краіна для Жыцця», якую мы ладзім ужо пяты год запар.
За гэты час праз удзел неабыякавых людзей сотні беларускіх дзяцей атрымалі падарункі, якіх чакалі ўсёй душой. І гэта заўсёды сапраўднае чарадзейство.
Сёлета мы зноў аб'ядноўваемся, каб стварыць свята для дзяцей палітвязняў і былых палітвязняў ва ўзросце да 16 гадоў.
Кожнае дзіця можа даслаць свой калядны ліст з пажаданнямі, а мы разам з вамі зробім усё магчымае, каб мары здзейсніліся.
⏰ Тэрмін падачы заявак — да 20 снежня 2025 года ўключна.
📮 Падаць заяўку можна тут → спасылка
💝 Падтрымайце збор — ваша ахвяраванне дапаможа нам набыць падарункі (да 50 еўра кожны).
🎁 Мы дорым менавіта падарункі, а не грошы.
📣 Падзяліцеся інфармацыяй пра збор у сацыяльных сетках.
Дзякуй, што вы поруч з намі. Зробім цуд разам! 🤍
Пра суму збору: Агульная сума збору ўстаноўлена на ўзроўні мінулагодняй кампаніі і можа павялічвацца ў залежнасці ад паступаючых заявак.
