Фонд «Краіна для Жыцця» працягвае аказваць падтрымку беларусам, якія сутыкнуліся з пераследам, вымушанай эміграцыяй і складанымі жыццёвымі абставінамі. У другім квартале 2025 года мы падтрымлівалі сем'і палітвязняў і асоб у крызісе, разам з тым актыўна развівалі новыя праекты — ад дзіцячых летнікаў у Германіі да кіравання шэлтарам у Вільнюсе.
21 942 еўра — агульная сума фінансавай дапамогі, што атрымалі сем'і беларускіх палітвязняў у красавіку–чэрвені. Сюды ўваходзяць выплаты па праекце «Сябар сям'і», медыцынскія кампенсацыі і разавые выплаты.
7 547 еўра выплацілі ў межах эстафеты салідарнасці «Галасы праз межы», што была ў 2024 годзе. 11 сямей палітзняволеных атрымалі выплаты (імёны не называем з зразумелых прычын).
21 000 еўра мы накіравалі на арганізацыю дзіцячых спартыўных і адукацыйных летнікаў у Германіі — разам з нямецкай НДА і Міжнародным гуманітарным фондам. Летнікі сталі прасторай бяспекі, сяброўства і развіцця для дзясяткаў беларускіх дзяцей.
У чэрвені фонд узяў на сябе поўную адказнасць за дзейнасць шэлтара ў Вільнюсе. Гэта — не проста месца, каб пераночыць. Мы сустракаем тых, хто ўцякае з Беларусі, дапамагаем ім аднавіцца, атрымаць кансультацыі і пачаць новае жыццё ў бяспецы.
Сярод жыхароў шэлтара ёсць вядомыя публічныя асобы, дэпартаваныя з Беларусі, а таксама тыя, хто не можа вярнуцца дамоў з-за пагрозы іхняй свабодзе. Мы задавальняем іхнія базавыя патрэбы і забяспечваем псіхалагічнай падтрымкай.
📌 Псіхалагічная дапамога: 8 новых зваротаў, 24 чалавекі працягваюць тэрапію з мінулага перыяду.
📌 Юрыдычныя кансультацыі: 44 чалавека звярнуліся, мы аказалі 39 поўных кансультацый па пытаннях легалізацыі, сямейнага права, сацыяльных гарантый і інш.
📌 Міграцыйная падтрымка: 56 чалавек атрымалі кансультацыі па атрыманні ВНЖ, статусу ўцекача, адкрыцці рахункаў і інш.
Усё гэта стала магчымым праз вашую салідарнасць і давер. Калі вы хочаце далучыцца да нашай працы, вы можаце:
💛 зрабіць ахвяраванне — нават невялікая сума мае значэнне;
🤝 стаць валанцёрам — дапамагчы з лагістыкай, перакладамі, мерапрыемствамі;
📢 распаўсюдзіць інфармацыю пра нашу дзейнасць — а раптам пра нас не ведаюць вашыя знаёмыя і сябры?
Разам мы мацней. То будзьце з намі!
Кожнае ахвяраванне дапамагае падтрымліваць палітвязняў і іх сем’і, даючы ім надзею і рэсурсы для пераадолення цяжкасцяў.
