Дабрачынны фонд «Краіна для Жыцця» адкрывае тэрміновы мэтавы збор на набыццё сертыфікатаў на вопратку, каб падтрымаць людзей пасля вызвалення і дапамагчы ім набыць неабходныя рэчы.
Новую групу былых палітычных зняволеных дэпартавалі з Беларусі без рэчаў і дакументаў. Кожнаму з нас немагчыма ўявіць сябе на іхнім месцы. Але мы мусім гэта зрабіць.
Людзі трапілі пад рэпрэсіі і жорсткае абыходжанне. Часам яны трапляюць да нас у турэмнай робе, часам у тым, у чым іх затрымлівалі. Вопратка бывае не па сезоне і не па памеры, таму ўзнікае патрэба ў базавым адзенні. Ці магчыма адчуць сябе вольным, калі ты ў бушлаце са слядамі адрэзанай жоўтай біркі?
Плануем набыць сертыфікаты ў гандлёвыя цэнтры наміналам 150 € на чалавека. Гэта дазваляе кожнаму самастойна падабраць вопратку з улікам памеру, патрэб і ўласных жаданняў.
Новая вопратка — найперш магчымасць адчуць сябе годна. Самастойны выбар у гэтай банальнай справе — крок да аднаўлення свайго "я" і вяртання да нармальнага жыцця.
✅ Зрабіце данат
📢 Распаўсюдзьце інфармацыю пра збор у сацыяльных сетках
Кожны ўнёсак мае значэнне. Вы вельмі патрэбныя кожнаму з іх.Дзякуй, што вы поруч!
